Stefán Rafn Sigurmannsson og liðsfélagar hans í Pick Szeged unnu sætan sigur á Motor Zaporizhzhya frá Hvíta-Rússlandi á heimavelli sínum í Meistaradeild Evrópu í handbolta í dag, 30:29.
Staðan í hálfleik var 15:12, gestunum í vil, og skömmu fyrir leikslok var hún 29:28, Zaporizhzhya í vil. Szeged skoraði hins vegar tvö síðustu mörkin og tryggi sér sætan sigur.
Stefán skoraði þrjú mörk fyrir Szeged sem er í öðru sæti B-riðilsins með 19 stig, stigi á eftir toppliði PSG.
Skjern mátti þola 32:34-tap fyrir Nantes á heimavelli. Björgvin Páll Gústavsson varði 11 skot í markinu hjá Skjern og skoraði auk þess eitt mark. Tandri Már Konráðsson lék ekki með Skjern.
Skjern er í botnsæti riðilsins með sex stig og er liðið í erfiðum málum þegar aðeins tvær umferðir eru eftir.