Einn af lærisveinum Aðalsteins Eyjólfssonar hjá Erlangen í þýska handboltanum reyndi á kostulegan hátt að hylma yfir brot og komast hjá refsingu í leik gegn Minden á dögunum.
Erlangen gerði þau mistök að átta leikmenn liðsins voru inni á vellinum en ekki mega fleiri en sjö vera inn á í einu. Slík mistök eiga sér stað hjá handboltaliðum annað veifið þegar hamagangurinn er mikill í kringum skiptingar.
Einn leikmanna Aðalsteins áttaði sig á því að of margir voru inn á og reyndi að hylma yfir brotið á mjög lymskulegan en nokkuð skondin hátt eins og sjá má í meðfylgjandi myndskeiði.
Aðalstein má sjá á hliðarlínunni.
VÍDEO | Cuando estáis 7 en el campo y decides esconderte en la grada... Vaya genio Johannes Sellin. 🤣 pic.twitter.com/C4XvMHeQ7w
— Balonmano Actual (@BalonmaActual) February 13, 2019