Annar flottur íslenskur sigur

Íslenska landsliðið í handbolta skipað leikmönnum 18 ára og yngri vann flottan 29:24-sigur á Svíþjóð í öðrum leik sínum á EM í Króatíu í dag. Ísland er þar með með fullt hús stiga eftir tvo leiki. 

Staðan í hálfleik var 14:12, Íslandi í vil. Jafnt var á nánast öllum tölum í fyrri hálfleik en íslenska liðið skoraði fjögur af síðustu fimm mörkum fyrri hálfleiks. Svíþjóð náði tvívegis að jafna í seinni hálfleik og var staðan 19:19 þegar seinni hálfleikur var um hálfnaður. Íslenska liðið var hins vegar sterkara á lokakaflanum og tryggði sér sigurinn. 

Haukur Þrastarson skoraði átta mörk fyrir Ísland, Arnór Snær Óskarsson sex og Tumi Steinn Rúnarsson gerði fimm. Í leikslok var Tumi Steinn valinn besti maður Íslands í leiknum. 

<div> <div></div> </div>

<a href="https://www.instagram.com/p/BmTfITegeYr/?utm_source=ig_embed" target="_blank">U-18 landslið karla Ísland - Svíþjóð 29-24 Þvílíkur leikur hjá strákunum. Meira á Hsi.is síðar í dag. #handbolti #strakarnirokkar #u18karla</a>

A post shared by <a href="https://www.instagram.com/hsi_iceland/?utm_source=ig_embed" target="_blank"> Handknattleikssamband Íslands</a> (@hsi_iceland) on Aug 10, 2018 at 9:08am PDT

• Blogga um frétt