Ajax frá Kaupmannahöfn varð að sætta sig við 27:22-tap gegn Ringkøbing í dönsku A-deildinni í handbolta í dag. Eva Björk Davíðsdóttir skoraði tvö mörk fyrir Ajax og lagði upp fjögur til viðbótar fyrir liðsfélaga sína.
Eva og stöllur voru með 20:17 forystu í síðari hálfleik en skelfilegur lokakafli varð þeim að falli. Ajax er í botnsæti deildarinnar án stiga eftir 15 leiki. Ringkøbing var sæti ofar með þrjú stig fyrir leikinn og varð Ajax því af gríðarlega mikilvægum stigum.