Karen skoraði 13 í sigri ÍR

Karen Tinna Demian, til vinstri, skoraði 13 mörk.
Karen Tinna Demian, til vinstri, skoraði 13 mörk. Ljómynd/Instagram

ÍR vann öruggan 38:29-heimasigur á Víkingi í Grill 66-deild kvenna í handbolta í dag, næstefstu deild. Karen Tinna Demian fór á kostum og skoraði 13 mörk fyrir ÍR.

Staðan í hálfleik var 23:16, ÍR í vil, og var aldrei spurning hvort liðið myndi bera sigur úr býtum. Petra Waage skoraði sex mörk fyrir ÍR og Sólveig Lára Kristjánsdóttir fimm. Alina Malkova skoraði 11 mörk fyrir Víking. 

Með sigrinum minnkaði ÍR muninn á HK og KA/Þór á toppi deildarinnar í eitt stig. 

mbl.is
Fleira áhugavert
Fleira áhugavert