Rhein-Neckar Löwen fór með sigur af hólmi, 23:21, gegn Flensburg þegar liðin mættust i uppgjöri efstu liðanna í þýsku 1. deildinni í handbolta karla í dag.
Rhein-Neckar Löwen hefur þriggja stiga forskot á Flensburg á toppi deildarinnar eftir þennan sigur, en þrjár umferðir eru eftir af deildinni.
Leikurinn fór fram í Flensburg. Alexander Petersson skoraði fimm mörk fyrir Rhein-Neckar Löwen í leiknum og Guðjón Valur Sigurðsson bætti tveimur mörkum við fyrir liðið.
Löwen á eftir heimaleik við Kiel, útileik við Wetzlar og heimaleik við Melsungen. Fái liðið fjögur stig verður það meistari, sama hvað Flensburg gerir í sínum leikjum.