Atvinnukylfingarnir Ólafía Þórunn Kristinsdóttir og Guðrún Brá Björgvinsdóttir eru úr leik eftir tvo hringi á Tipsport Czech Ladies Open. Mótið er hluti af Evrópumótaröðinni í golfi.
Ólafía lék á 71 höggi í dag, einu höggi undir pari, en það dugði ekki til því hún lék fyrsta hringinn í gær á 75 höggum. Hún lýkur leik á tveimur höggum undir pari og í 74. sæti.
Guðrún Brá lék hringina tvo á 74 höggum hvorn og lýkur leik á fjórum höggum yfir pari og í 90. sæti.
Daninn Nicole Estrup og hin austurríska Emma Spitz eru efstar á tólf höggum undir pari.