Haraldur Franklín Magnús er í toppbaráttunni eftir tvo hringi á lokamóti Nordic Golf-mótaraðarinnar sem haldið er í Eistlandi.
Haraldur Franklín, sem hefur tryggt sér sæti á Áskorendamótaröðinni, lék í dag á 68 höggum eða á fjórum höggum undir pari. Hann er samtals á tíu höggum undir pari fyrir lokahringinn og er í 8. sæti. Haraldur fékk einn örn, þrjá fugla og einn skolla.
Axel Bóasson lék á 72 höggum eða ár pari vallarins og er jafn í 21. sæti á fimm höggum undir pari. Axel fékk þrjá fugla og þrjá skolla á hringnum í dag.