Tiger Woods fékk 2 milljónir og 70 þúsund dollara fyrir sigurinn á Masters á sunnudag. Þrír kylfingar voru aðeins höggi á eftir honum og þetta eina högg er kostnaðarsamt ef þannig má að orði komast.
Tiger fékk því um 248 milljónir íslenskra króna en hann lék á 13 höggum undir pari. Næstir komu Dustin Johnson, Brooks Koepka og Xander Schauffele á 12 undir pari.
Þremenningarnir fengu 858 þúsund dollara hver sem gerir um 103 milljónir íslenskra króna. Eitt högg getur því skipt miklu máli fyrir veskið á þeim fjórum hringjum sem spilaðir eru á risamótum í golfi.