Besti hringur Valdísar Þóru

Valdís Þóra Jónsdóttir.
Valdís Þóra Jónsdóttir. Ljósmynd/golf.is

At­vinnukylf­ing­ur­inn Val­dís Þóra Jóns­dótt­ir lék í dag sinn besta hring á þriðja hring á 2. stigi úr­töku­móts fyr­ir LPGA-mótaröðina í golfi í Flórída.

Valdís Þóra lék hringinn á 73 höggum eða einu höggi yfir pari en fyrsta hringinn lék hún á 76 höggum og annan á 78. Hún hefur því leikið hringina þrjá á 227 höggum eða 11 höggum yfir pari.

Valdís fékk fjóra fugla, þrjá skolla og einn skramba og möguleikar hennar á að komast á 3. stig úrtökumótsins verða að teljast ansi litlir.

Staðan á mótinu

mbl.is
Fleira áhugavert
Fleira áhugavert