Birgir Leifur Hafþórsson endaði í 71. sæti á BMW International mótinu sem fram fór í München í Þýskalandi og er liður í Evrópumótaröðinni.
Hann lék lokahringinn í dag á 74 höggum eða tveimur yfir pari en alls var hann á átta höggum höggum yfir.
Kylfingurinn Axel Bóasson hafnaði í 45. sæti á SSE Scottish Hydro Challenge mótinu í Aviemore í Skotlandi og er liður í Áskorendamótaröðinni.
Hann lék lokahringinn í dag á 75 höggum eða fjórum yfir pari en hann endaði einnig með fjögur högg yfir samtals. Axel lék síðustu tvo hringi þar á undan á 69 höggum en náði ekki að fylgja eftir þeim ágæta árangri. Þetta var engu að síður í fyrsta sinn sem Axel náði í gegnum niðurskurð og vonandi fylgir hann eftir þeim ágæta árangri á næstu mótum.