Atvinnukylfingurinn Axel Bóasson úr GK hefur lokið leik á þriðja degi SSE Scottish Hydro Challenge-mótsins sem er hluti af evrópsku Áskorendamótaröðinni. Hann lék á 69 höggum, annan daginn í röð og er hann samtals á pari.
Axel lék fyrri níu holurnar á tveimur höggum yfir pari, en hann lék mun betur á síðari níu og fékk þá fjóra fugla, m.a tvo á síðustu tveimur holunum.
Hann er sem stendur í 27.-34. sæti en staða Axels gæti breyst er allir kylfingar ljúka leik í dag. Síðasti hringur mótsins fer fram á morgun.