Valdís Þóra kláraði hringinn með fugli

Valdís Þóra Jónsdóttir.
Valdís Þóra Jónsdóttir. Ljósmynd/LET/Tristan Jones

Valdís Þóra Jónsdóttir, kylfingur úr Leyni, er á meðal fyrstu keppenda að ljúka leik á þriðja hring Estrella Damm Mediterranean-mótsins sem er hluti af Evrópumótaröðinni og fer fram í Sitges á Spáni.

Valdís lék hringinn í dag á tveimur höggum yfir pari vallarins eða 73 höggum og er samtals á pari eftir þrjá hringi. Hún fékk fimm skolla í dag og þrjá fugla, meðal annars á síðustu holunni, en fyrir hringinn í dag var hún samtals á tveimur höggum undir pari.

Valdís kom í hús í 38.-46. sæti, en staða hennar fyrir lokahringinn á morgun ræðst þó ekki endanlega fyrr en allir kylfingar eru komnir í hús.

mbl.is
Fleira áhugavert
Fleira áhugavert