Knattspyrnuleik í deildarkeppni í Kólumbíu var frestað í gær eftir að árás var gerð á liðsrútu gestaliðsins á leið þess á völlinn.
Um var að ræða viðureign Atlético Junior og Deportivo Pasto þegar ráðist var á liðsrútu Deportivo-liðsins, en einn leikmaður og tveir starfsmenn liðsins særðust í árásinni. Eins og sjá má neðst í fréttinni voru rúður í rútunni brotnar eftir að grjóti var kastað, en það hæfði nokkra einstaklinga í rútunni.
Leiknum var frestað eftir atvikið en hann fór svo fram fyrir luktum dyrum í morgun og þá vann Atlético Junior 1:0.
Informamos que el juego @JuniorClubSA vs @DeporPasto se suspende por el ataque que sufrió el bus del club visitante a 14 kilómetros del estadio, resultaron afectados físicamente un jugador y dos integrantes del cuerpo técnico. El partido se jugará mañana a las 9 am. pic.twitter.com/q7yQjdxCFg
— DIMAYOR (@Dimayor) November 19, 2017