Ragnar Sigurðsson og félagar hans í Rubin Kazan eru komnir í 16-liða úrslit rússnesku bikarkeppninnar í knattspyrnu.
Rubin Kazan sótti Oreburg heim í 32-liða úrslitunum í dag og hafði betur, 2:0. Ragnar lék allan tímann í hjarta varnarinnar.
Eftir 10 umferðir í deildinni er Rubin Kazan í fimmta sæti deildarinnar með 14 stig en Ragnar hefur komið við sögu í fjórum deildarleikjum.