Elías Már Ómarsson, knattspyrnumaður Gautaborgar í Svíþjóð, fékk liðsfélaga frá ítalska stórliðinu Juventus í dag. Vajebah Sakor hefur verið samningsbundinn Juventus frá árinu 2013 en nú hefur hann skrifað undir eins árs lánssamning við Gautaborg.
Hann var aðeins 17 ára gamall þegar hann gekk í raðir Juventus frá Asker í Noregi. Það hefur hins vegar gengið illa hjá Sakor að brjótast inn í aðallið Juventus og er þetta í þriðja skipti sem félagið lánar hann.
Sakor er fæddur í Líberíu en hann flutti ungur til Noregs og hefur leikið með öllum yngri landsliðum Norðmanna.