Kári Árnason, landsliðsmiðvörður í knattspyrnu, skoraði í sínum fyrsta leik fyrir Aberdeen eftir að hann gekk í raðir félagsins nýverið.
Kári skoraði mark sitt í æfingaleik gegn Brechin City á 55. mínútu fyrir liðið sem undirbýr sig nú af krafti fyrir átökin í skosku úrvalsdeildinni en liðið lenti í 2. sæti á síðustu leiktíð á eftir stórliði Celtic og tapaði einnig bikarúrslitaleik gegn þeim hvítu og grænu.
Kári, sem er 34 ára gamall, lék með Aberdeen fyrir fimm árum, tímabilið 2011-12, og samdi við félagið til eins árs.