Sara Björk Gunnarsdóttir og samherjar í Wolfsburg náðu þriggja stiga forystu í þýsku 1. deildinni í knattspyrnu í dag með glæsilegum útisigri á Frankfurt, 5:1.
Sara lék allan leikinn á miðjunni hjá Wolfsburg sem er með 44 stig, Turbine Potsdam 41, Bayern München 40, Freiburg 32 og Frankfurt 30 eru í næstu sætum.
Frankfurt komst yfir með marki frá Groenen en Lara Dickenmann jafnaði fyrir hlé, 1:1. Frankfurt gerði sjálfsmark í byrjun síðari hálfleiks og þær Dickenmann, Ewa Pajor og Caroline Hansen bættu við mörkum áður en yfir lauk.