Albert Guðmundsson skoraði sitt 15. mark í vetur fyrir varalið PSV í gærkvöldi þegar hann tryggði liðinu 2:2 jafntefli gegn Maastricht í hollensku B-deildinni í knattspyrnu.
Albert skoraði jöfnunarmark liðsins á 87. mínútu þegar hann rak endahnútinn á laglega sókn sem hann hafi sjálfur átt upptökin að með laglegum spretti.
Hann kláraði svo sóknina með stæl með því að fífla markvörðinn og skora í tómt markið, en myndskeið af tilþrifunum má sjá hér að neðan.
⚽️ Dit was de 2-2 van Jong PSV gisteravond. Het was alweer de 15e treffer van het seizoen voor @snjallbert! pic.twitter.com/0hYUiIOZfD
— PSV (@PSV) April 22, 2017