Jólamót Arena í Counter-Strike fer fram í desember og keppt verður frá hádegi fram á kvöld.
Jólamótið fer fram í Arena í Kópavogi og hefjast riðlarnir klukkan 13 laugardaginn 17. desember.
Aðeins geta tíu lið tekið þátt og gildir sama regla og á síðasta móti, fyrstur kemur fyrstur fær.
Mótsfyrirkomulaginu er þannig háttað að keppt verður í tveimur fimm liða riðlum þar sem allir keppa á móti öllum. Tvö efstu liðin í riðlunum fara áfram í undanúrslit.
Pítsuhlaðborð verður klukkan 15.00 og býðst keppendum sem og áhorfendum að gæða sér á pítsum frá veitingastaðnum Bytes á einungis 2000 krónur.
Undanúrslit hefjast klukkan 17.30 þar sem sæti í úrslitunum er í boði. Klukkutíma síðar, eða um klukkan 18.30 hefjast svo úrslitin og fer liðið í fyrsta sæti heim með 50 tíma í Arena og Pítsuveislu í verðlaun.
Hægt er að skoða viðburðinn hér.