Tomás Soucek skoraði tvívegis fyrir West Ham þegar liðið heimsótti Crystal Palace í ensku úrvalsdeildinni í knattspyrnu á Selhurst Park í London í kvöld.
Wilfried Zaha kom Crystal Palace yfir á 3. mínútu en Soucek jafnaði metin fyrir West Ham sex mínútum síðar.
Soucek var svo aftur á ferðinni á 25. mínútu áður en Craig Dawson bætti við þriðja marki West Ham á 65. mínútu.
Michy Batshuayi klóraði í bakkann fyrir Crystal Palace en lengra komust Palace-menn ekki og West Ham fagnaði 3:2-sigri.
West Ham fer með sigrinum upp í fjórða sæti deildarinnar í 35 stig og upp fyrir Liverpool.
Crystal Palace er hins vegar í þrettánda sætinu með 23 stig.
Þá reyndist Jack Harrison hetja Leeds þegar liðið heimsótti Newcastle á St. James' Park í Newcastle.
Leiknum lauk með 2:1-sigri Newcastle en Harrison skoraði sigurmark leiksins á 61. mínútu.
Raphinha kom Leeds yfir á 17. mínútu en Miguel Almiron jafnaði metin fyrir Newcastle á 57. mínútu.
Þetta var fimmta tap Newcastle í röð i deildinni en liðið er í sextánda sæti deildarinnar með 19 stig, 7 stigum frá fallsæti.
Leeds er hins vegar í tólfta sætinu með 23 stig.