Ekki er víst að Frank Lampard verði lengi atvinnulaus eftir að hafa verið rekinn úr starfi knattspyrnustjóra Chelsea í gær.
Samkvæmt blaðinu The Scottish Sun í dag er Lampard þegar orðinn líklegastur til að taka við skoska meistaraliðinu Celtic en þar er Neil Lennon orðinn afar valtur í sessi í kjölfar þess að eftir níu meistaratitla í röð er Celtic 23 stigum á eftir Rangers í baráttunni um skoska meistaratitilinn á yfirstandandi tímabili.
Knattspyrnustjóri Rangers er Steven Gerrard, samherji Lampards á miðjunni hjá enska landsliðinu um árabil, en hann er langt kominn með að tryggja liðinu sinn fyrsta meistaratitil í tíu ár.