Nígerski landsliðsmaðurinn Leon Balogun skrifaði undir tveggja ára samning við enska úrvalsdeildarfélagið Brighton í dag. Balogun kemur á frjálsri sölu til félagsins frá Mainz, þar sem hann var samningslaus.
Balogun á 14 landsleiki að baki fyrir nígerska landsliðið og var hann mikilvægur hlekkur í liðinu sem tryggði sér sæti á HM í Rússlandi. Hann mun því væntanlega mæta Íslandi 22. júní í Volgograd.
Balogun, sem er fæddur í Þýskalandi, spilaði með Hannover og Werder Bremen áður en hann fór til Mainz.