Dregið var til 16-liða úrslitanna í ensku deildabikarkeppninni í knattspyrnu í kvöld en 32-liða úrslitunum lauk í kvöld.
Manchester United, sem á titil að verja, sækir Swansea heim. Gylfi Þór Sigurðsson og samherjar hans í Everton eiga erfiðan leik í vændum en þeir heimsækja Englandsmeistara Chelsea heim.
Hörður Björgvin Magnússon og samherjar hans í Bristol City ættu að eiga góða möguleika á að komast í átta liða úrslitin en mótherjar þeirra í 16-liða úrslitunum verða Crystal Palace.
Drátturinn varð þessi:
Bristol City - Crystal Palace
Tottenham - West Ham United
Arsenal - Norwich
Swansea - Manchester United
Manchester City - Wolves
Chelsea - Everton
Bournemouth - Middlesbrough
Leicester - Leeds