Danny Ward þriðji markvörður Liverpool fær tækifæri á milli stanganna annað kvöld þegar Liverpool sækir Leicester City heim í ensku deildabikarkeppninni.
Jürgen Klopp knattspyrnustjóri Liverpool staðfesti þetta í dag en þeir Simon Mignolet og Loris Karius hafa barist um aðalmarkvarðarstöðuna hjá Liverpool á leiktíðinni.
Þá mun enski landsliðsmaðurinn Alex Oxlade-Chamberlain fá tækifæri í byrjunarliði Liverpool í fyrsta sinn frá því hann kom til félagsins frá Arsenal á dögunum.
Leicester og Liverpool eigast svo við í deildinni á laugardaginn og eins annað kvöld og fer sá leikur fram á heimavelli Leicester.