Það virðist endanlega vera komið í ljós að Naby Keita, miðjumaðurinn hjá RB Leipzig, sem Liverpool hefur verið á höttunum eftir, er ekki á leiðinni frá þýska félaginu.
Háttsettur maður hjá Leipzig er heimildarmaður Sky Sportes og segir hann að Keita muni ekki fara fet.
Liverpool bauð 67 milljónir punda í kappann, sem þýska félagið hafnaði. Heimildir Sky segja enn fremur að þremur tilboðum frá Liverpool hafi verið hafnað í leikmanninn en liðið mun leika í Meistaradeild Evrópu á næstu leiktíð.
Keita er með 48 milljóna punda klásúlu í samningi sínum en hún verður ekki virk fyrr en næsta sumar.
Liverpool hefur keypt þrjá leikmenn í sumar. Andy Robertson frá Hull, Mohamed Salah frá Roma og Dominic Solanke frá Chelsea en sá síðastnefndi er enskur unglingalandsliðsmaður.