Áfrýjun Arsenal hafnað

Enska knattspyrnusambandið hefur hafnað áfrýjun Arsenal vegna rauða spjaldsins sem franski miðvörðurinn Laurent Koscielny fékk að líta í 3:1-sigrinum á Everton í lokaumferð ensku úrvalsdeildarinnar um helgina.

Koscielny fauk af velli fyrir brot á Enner Valencia og fer sjálfkrafa í þriggja leikja bann fyrir rauða spjaldið. Hann tekur út fyrsta leikinn í banni í úrslitaleik FA-bikarsins gegn Chelsea og mun einnig missa af fyrstu tveimur leikjum næsta tímabils.

Arsenal mun heldur ekki geta notað krafta Shkodran Mustafi í úrslitaleiknum, en hann er að jafna sig eftir höfuðhögg. Þá er miðvörðurinn Gabriel einnig spurningarmerki eftir að hafa meiðst gegn Everton.

• Blogga um frétt