Carina Vitulano, ítalski dómarinn sem dæmdi leik Íslands og Frakklands í fyrstu umferð á EM kvenna í knattspyrnu í Hollandi, verður aftur á ferðinni þegar Ísland mætir Austurríki í Rotterdam annað kvöld.

Vitulano verður eftirlitsdómari á leiknum og því gæti vel komið til orðaskipta á milli hennar og þjálfara liðanna tveggja á hliðarlínunni. Vitulano fékk ekki háa einkunn hjá Íslendingum eftir leikinn við Frakka þar sem hún sleppti til að mynda að dæma vítaspyrnu þegar brotið virtist á Fanndísi Friðriksdóttur undir lok fyrri hálfleiks, en dæmdi hins vegar víti á Ísland undir lok leiks sem sigurmark Frakka kom úr. Freyr kvaðst þó aðspurður ekki eiga eftir að vera með óbragð í munni á hliðarlínunni á morgun:

„Þetta er ekkert persónulegt gagnvart þessari ágætu konu. Hún er hér á vegum UEFA að gera sitt allra besta. Ég hef ekkert vont bragð í munni gagnvart henni. Hún mun ekki trufla mig neitt,“ sagði Freyr á fréttamannafundi í Rotterdam í dag.

Tengdar fréttir

Ísland á EM í Hollandi 2017

Þær áttu sigurinn skilið

• Ég var brjálaður og orðlaus
• Við spyrnum okkur af botninum
• Ég skemmdi leikinn fyrir liðinu
• „Þetta var bara ekki okkar mót“

» Fleiri tengdar fréttir

EM 2022

Úrvalslið Evrópumótsins

• Vilja vera ein af ljónynjunum
• Leikmaður breyttist í blaðamann
• Hljómar vel en er svolítið sárt
• Kannski aðeins of mikið áfengi

» Fleiri tengdar fréttir

• Blogga um frétt