Þórsarar á Akureyri hafa fengið vestfirska markvörðinn Daða Frey Arnarsson lánaðan frá FH út þetta keppnistímabil.
Daði er 22 ára gamall og hefur leikið 16 leiki í marki FH-inga í úrvalsdeildinni en hefur einnig verið í láni hjá Vestra. Hann kom upphaflega til FH-inga frá BÍ/Bolungarvík en Daði lék 15 leiki með yngri landsliðum Íslands.
Á heimasíðu Þórs kemur fram að Aron Birkir Stefánsson markvörður liðsins sé frá keppni vegna meiðsla og gæti verið lengi frá.
Markvörðurinn Daði Freyr Arnarsson hefur skrifað undir lánssamning við Þór og mun leika með liðinu í sumar.
— Þór fótbolti (@Thor_fotbolti) May 6, 2021
Bjóðum Daða hjartanlega velkominn í Þorpið! pic.twitter.com/hjo7je9STZ