Það var mikið líf og fjör á Sauðárkróki um helgina þegar Landsbankamót Tindastóls fór fram. Alls tóku 485 stelpur úr 21 félagi þátt á mótinu en það er fyrir 6. flokk kvenna.
Leikið var laugardag og sunnudag og heppnaðist mótið afar vel. Sú nýjung var í ár að ætlast var til þess að markmenn spiluðu boltanum út, í stað þess að sparka honum langt, og mun hafa verið mikil ánægja með þessa reglu sem ætlunin er að nota áfram næstu ár.
Kvöldvaka var á laugardaginn þar sem Salka Sól og Sigvaldi Gunnarsson héldu uppi stuðinu.
Þór Akureyri fagnaði sigri á mótinu í flokki A-liða en öll úrslit má sjá hér.
Ljósmyndarinn Þórir Ó. Tryggvason tók meðfylgjandi myndir en myndasíðu mótsins má sjá hér.