Latex – löðrandi eða lokkandi?

Latex- og gúmmíföt hvers konar voru eitt sinn álitin helst eiga heima í undirheimum kynlífsiðnaðarins. Nú virðast smátt og smátt hafa orðið töluverð umskipti á því viðhorfi því tískuhús eru í auknum mæli farin að nýta sér efnið. Hér eru nokkur vel valin dæmi. 

Latex frá toppi til táar

Kim Kardashian er óhrædd við nýjungar og er oft í þröngum latexfötum. Hér sést hún í latexdragt frá tískuhúsinu Balmain ásamt systur sinni Kourtney. 

Vísun í blæti

Fatahönnuðurinn Christopher Kane notar mikið latex í hönnun sinni. Leikkonurnar Jemima Kirke og Lena Dunham vöktu til dæmis mikla athygli í kjólum frá honum á Met Gala árið 2019. Þar má greinilega sjá vísun í blæti og tengingu hátísku og neðanjarðarmenningar.

Í latexi á rauða dreglinum

Það hversu „mainstream“ latexið er orðið sést best þegar stjörnur mæta í því á rauða dregilinn. Hér má sjá stjörnur á borð við Rachel Weisz og Kendall Jenner skarta latexi við virðuleg og hátíðleg tilefni. 

Leikkonan Chrissy Metz naut sín á rauða dreglinum í latex kjól. mbl.is/AFP

• Blogga um frétt