Í gömlum kjól af mömmu 23 árum seinna

Viktoría krónprinsessa Svíþjóðar stal senunni í veislu á mánudaginn sem var tileinkuð Nóbelsverðlaunahöfunum í ár. Mætti prinsessan í gömlum kjól sem móðir hennar, Silvía drottning, klæddist við sama tilefni árið 1995. 

Kjóllinn er frá Ninu Ricci og naut sín vel á prinsessunni sem nú er 41 árs en móðir hennar Silvía var 51 árs þegar hún klæddist kjólnum á tíunda áratug síðustu aldar. 

Kjóla sem notaðir eru við eins fín tilefni er ekki hægt að nota oft og því tilvalið að nýta kjólana í stað þess að kaupa alltaf nýja. Þar með er ekki bara verið að spara heldur einnig send skýr skilaboð hvað varðar umhverfisvernd. Tilvonandi drottning Svíþjóðar getur að minnsta kosti ekki verið þekkt fyrir annað en að huga vel að umhverfinu og buddunni. 

Victoría geislaði í kjólnum með fallega kórónu. AFP

Silvía drottning og Sofia prinsessa voru líka mættar í veisluna. AFP

• Blogga um frétt