Audrey Hepburn vakti einna fyrst athygli í kvikmyndinni Breakfast at Tiffany's sem tískufyrirmynd. Hún var í látlausum fatnaði en með einstaklega fallegar perlur í myndinni sem auðvitað voru frá skartgripaveldinu Tiffany & Co. Fleiri stórstjörnur á sviði tísku og hönnunar hafa sett mark sitt á tískuna með fallegum perlum. Coco Chanel var ef til vill sú sem notaði þær hvað mest. En töffarar á borð við Kate Moss hafa einnig verið duglegar að nota perlur.
Í sumar, þar sem tískan verður litrík en líka mikið svört, er fátt fallegra en að skreyta sólkysst hörundið með hvítum perlum.
Allar perlurnar á síðunni fást í verslunum Tiffany um þessar mundir.