Mættu í eins kjólum

Fyrirsætan Miranda Kerr og leikkonan Chloe Bennett mættu í eins kjólum þegar fatahönnuðurinn Stella McCartney kynnti haustlínu sína í Los Angeles. 

Báðar klæddust þær Kerr og Bennett stuttum svörtum kjól úr smiðju Stellu McCartney með fallegu munstri. Kerr klæddist þó jakka við svo lítið bar á óléttu hennar í kjólnum. 

Stjörnurnar reyna að forðast tískuárekstra sem þessa en það verður þó hægt að líta fram hjá þessum árkestri þar sem þær gerðu sitt besta með því að mæta í kjólum til heiðurs McCartney. 

Leikkonurnar Rebecca Romijn og Ayda Field mættu einnig í fötum með sama mynstri. Romijin var glæsileg í bláum síðum kjól og Field í bol og buxum.