Maður með gervifót kosinn Herra England

Hinn 28 ára gamli Jack Eyers var kosinn Herra England í Birmingham um síðustu helgi. Þetta er í fyrsta skipti sem maður sem hefur misst útlim vinnur keppnina. 

Eyers, sem hefur þar með unnið sér inn þátttökurétt til að keppa í keppninni Herra heimur, þurfti að láta fjarlægja hægri fótinn þegar hann var 16 ára vegna fæðingargalla. 

Þetta er ekki í fyrsta skipti sem Eyers vekur athygli en Indy100 greinir frá því að hann hafi verið fyrsta fatlaða manneskjan til þess að ganga á tískupöllunum á tískuvikunni í New York árið 2015. 

Eyers, sem er líkamsræktarþjálfari og fyrirsæta, hefur síðastliðin fimm ár reynt að vekja athygli á fötlun í tískuiðnaðinum og reynt að vera öðrum fyrirmynd. 

Eyers lætur gervifótinn ekki stoppa sig. skjáskot/Instagram

• Blogga um frétt