Kvikmyndahátíðinni í Cannes lýkur nú um helgina en veislan hefur staðið yfir síðan um miðjan maí. Stórstjörnurnar hafa verið duglegar að flykkjast til frönsku rívíerunnar til að sýna sig og sjá aðra. Allt virðist vera leyfilegt þegar kemur að fatavali enda komið sumar og sól.
Kjólarnir hafa bæði verið hefðbundnir en líka stuttir og gegnsæir. Þó svo að flestar stjörnurnar hafi valið sér síðkjól hafa aðrar tekið meiri áhættu og má þar nefna Bellu Hadid sem mætti í afar efnislitlum kjól á rauða dregilinn.