Finnst þér kynlíf dónalegt?

Ef þú ert ein/einn af þeim sem ert alin/alinn upp við mikla skömm þegar kemur að hinu kyninu. Fordóma þegar kemur að kynlífi eða vilt bæta getu þína í samböndum er þetta grein fyrir þig. 

Esther Perel er hjónaráðgjafi sem hefur aðstoðað fólk víða um heiminn við að berskjalda sig og ná betur saman í samböndum. Þegar kemur að kynlífinu og annarri nánd þá er hún með áhugaverða leið til að fólk átti sig betur á hverjir styrkleikar þeirra gætu verið og hverjir veikleikarnir gætu verið. 

Þetta er eins konar leiðarvísir sem fólk spyr sig að og svarar í heiðarleika um sjálft sig í samböndum. 

„Þessi nándarspurningalisti er eins konar vörutalning þegar kemur að hæfni fólks í hegðun, gagnvart sér sjálfu og öðrum í samböndum. Þar sem farið er yfir undirliggjandi þarfir, hugmyndir og sögu einstaklingsins. Þetta eru spurningar sem þú hefur eflaust ekki spurt þig að sjálf/sjálfur, jafnvel þótt ýmislegt hafi komið upp hjá þér sem hefur með þetta að gera.“

Perel segir mikilvægt að skoða þessa hluti þar sem flestir koma inn í sambönd með einhvern farangur með sér. 

„Alls konar tilfinningar, ótti, væntingar, sár, vonbrigði og styrkleikar einnig er eitthvað sem fylgir hverjum og einum inn í sambönd. 

Við tengjumst fólki með getu sem hefur orðið til við það sem við höfum fengið í gegnum árin, það sem við höfum ekki fengið og svo það sem hefur ekki gengið upp og það sem vel hefur gengið sem einstaklingurinn langar að halda áfram að gera.“

Þegar fólk svarar þessum spurningum þá líður mörgum eins og það standi fyrir framan spegil. 

Spurningalistinn inniheldur tíu spurningar sem hver og einn ætti að reyna að svara eftir bestu getu. Hver einstaklingur ætti að staldra við tvær til þrjár spurningar sem höfða hvað mest til þeirra. 

Spurningarnar mæla viðhorf fólks til þess kyns sem það er í sambandi við. Einnig er farið yfir hugmyndir fjölskyldunnar um kynlíf og hvernig fólk tjáir sig í samböndum almennt. 

Hér má nálgast þessar spurningar. 

• Blogga um frétt