Donald Trump er þessa dagana í opinberum heimsóknum um heiminn. Forsetafrúin Melania Trump er með honum í för og skartar hún sínu fínasta pússi. Melania er að sjálfsögðu með nýtt dress fyrir hvert tilefni en það hefur vakið athygli að hún ber belti við öll dressin. 

Þegar forsetahjónin lentu í Sádi-Arabíu var forsetafrúin í svörtum buxum með stórt og mikið gyllt belti. Daginn eftir heimsótti Melania skóla þar sem hún klæddist kjól í hermannastíl og var með stórt brúnt belti við. Þriðja daginn flaug hún síðan til Ísraels þar sem hún klæddist hvítri dragt og enn og aftur var hún með stórt belti á mittinu.