Áhrifavaldarnir Sunneva Eir Einarsdóttir og Jóhanna Helga Jensdóttir skemmtu sér vel á fyrsta Bubbly Blush kvöldinu á Bankastræti Club í gærkvöldi. Birgitta Líf Björnsdóttir, sem opnaði staðinn fyrr á þessu ári, var einnig í stuði en Bubbly Blush koma til með að vera vikulegir á staðnum. 

Bubbly Blush er samstarf Bankastrætis Club og kynlífstækjaverslunarinnar Blush og gátu gestir unnið vinninga í lukkuhjóli við barinn. 

Systurnar Helga Margrét og Dóra Júlía þeyttu skífum en tónlistarkonan Svala Björgvinsdóttir skemmti gestum. Súludansararnir Sól Stefánsdóttir og Rakel Rún Reynisdóttir héldu öllum á tánum við mikið lof gesta.