Valdimar Guðmundsson söngvari lét sig ekki vanta á frumsýningu Héraðsins í gærkvöldi. Með í för var ástin í lífi hans, Anna Björk Sigurjónsdóttir. 

Grímur Hákonarson er leikstjóri myndarinnar en hann leikstýrði einnig kvikmyndinni Hrútar sem hlaut fjölmörg verðlaun. Með aðalhlutverk myndarinnar fer Arndís Hrönn Egilsdóttir en hún leikur kúabóndann Ingu sem ákveður að láta ekki kúga sig lengur eftir að hún missir eiginmann sinn. 

Þótt héraðið sé fallegt og friðsælt þá kraumar undir niðri mikill ótti og vanlíðan meðal sveitunganna. Samfélagið er meðvirkt með þeim sem öllu stjórna og flestir kjósa að synda með straumnum - nema Inga. 

Eins og sjá má á myndunum var fullt út úr dyrum í Háskólabíói í gærkvöldi og mikil stemning.