Sómahjónin Birna Rún Gísladóttir og Jakob Frímann Magnússon voru glæsileg í Hörpu þegar kokkur ársins var valinn. Um 200 manns nutu matar og drykkjar.
Sigurjón Bragi Geirsson var valinn kokkur ársins 2019. Hann er matreiðslumaður hjá Garra heildverslun og þjálfari íslenska kokkalandsliðsins. Rúnar Pierre Heriveaux, matreiðslumaður á Grillinu Hótel Sögu, varð í öðru sæti og Iðunn Sigurðardóttir, matreiðslumeistari í Íslenska matarkjallaranum, varð í þriðja sæti.
Keppendur voru eftirfarandi:
• Iðunn Sigurðardóttir, Íslenski matarkjallarinn
• Snædís Xyza Mae Jónsdóttir Ocampo, Hótel Saga Mímir Restaurant
• Kolbrún Hólm Þorleifsdóttir, Deplar Farm
• Sigurjón Bragi Geirsson, Garri
• Rúnar Pierre Heriveaux, Grillið Hótel Sögu
Kokkur ársins hlýtur þátttökurétt fyrir Íslands hönd í keppninni Matreiðslumaður Norðurlanda 2020. Í fyrstu verðlaun eru 300.000 krónur, fyrir annað sæti 100.000 krónur og fyrir þriðja sæti er gjafabréf með Icelandair.