Útivistarverslunin Fjallakofinn bauð á sérstaka frumsýningu á myndinni Drop Everything í samstarfi við Holmland í Bíó Paradís. 

Kvikmyndin Drop Everything inniheldur senur með nokkrum af bestu skíðamönnum heims ásamt hæfilegri blöndu af húmor, fallegri kvikmyndatöku, hljóði og í raun öllu sem prýða má framúrskarandi kvikmynd.

Myndin var útnefnd sigurvegari IF3 International Freeski Film Festival „Film of the Year“ og rann allur hagnaður af sýningu til Ljóssins, endurhæfingar- og stuðningsmiðstöðvar fyrir fólk sem hefur greinst með krabbamein og aðstandendur þess. 

Eins og sjá má voru allir kátir og glaðir á þessari heillandi ævintýramynd.