Leikritið Faðirinn var frumsýnt í Þjóðleikhúsinu í gær við mikinn fögnuð. Múgur og margmenni var samankomið til að berja leikverkið augum, en það er skrifað af hinum franska Florian Zeller og leikstýrt af Kristínu Jóhannesdóttur.

Eggert Þorleifsson fer með aðalhlutverkið en með önnur hlutverk fara Edda Arnljótsdóttir, Harpa Arnardóttir, Ólafía Hrönn Jónsdóttir, Sveinn Ólafur Gunnarsson og Þröstur Leó Gunnarsson.

Ekki var annað að sjá en að stemningin hafi verið góð og gestir hafi verið æði spenntir yfir verkinu.