Guðrún Bergmann, Linda Baldvinsdóttir og Karen Kjerúlf létu sig ekki vanta þegar Reykjavík Foods kynnti hægeldaðan lax en fyrirtækið setti laxinn á markað í síðustu viku.
Af því tilefni var boðið í teiti í gær á Bryggjunni brugghúsi þar sem gestum var boðið að smakka dýrindisútfærslur af laxinum.
Reykjavík Foods er fyrirtæki sem sérhæfir sig í að búa til afurðir úr hágæða íslensku hráefni. Í þessari fyrstu vörulínu Reykjavík Foods er notast við hágæða lax frá Vestfjörðum sem er bragðbættur með hreinum náttúruafurðum eins og basilíku, hvítlauk, truflum og sjávarsalti frá Saltverki.