Hún var sjúk í íbúðina og hann þráði útsýnið

Tónlistarmennirnir og leikararnir, Júlí Heiðar Halldórsson og Þórdís Björk Þorfinnsdóttir, féllu fyrir hvort öðru og búa nú saman í útsýnisíbúð í Vesturbæ Reykjavíkur. Hann starfar í Arion banka ásamt því að vinna í tónlistinni og Þórdís Björk er í Reykjavíkurdætrum ásamt því að vera að leika hjá Leikfélagi Akureyrir og svo les hún líka inn hljóðbækur.

Þau voru búin að þekkjast lengi þegar þau felldu hugi saman og eru í dag sannkölluð nútímafjölskylda en þau áttu sitthvorn soninn þegar sambandið hófst. 

Lesendur Smartlands þekkja íbúðina því hún var áður í eigu Jóns Gunnars Þórðarsonar og Margrétar Helgu Erlingsdóttur. 

Júlí Heiðar og Þórdís Björk voru að leita að íbúð þegar þau rákust á þessa og hún játar að hún hafi orðið mjög hrifin. 

„Ég er var sjúk í þessa íbúð,“ segir Þórdís Björk og hlær. 

„Ég er úr Þorlákshöfn og finnst gott að vera við sjó,“ segir Júlí Heiðar. 

Þótt íbúðin væri falleg og fín þá gerðu þau nokkrar breytingar á henni. Júlí Heiðar er mjög handlaginn og það sem hann kann ekki hefur hann lært á YouTube. Hann setti til dæmis lista á nokkra veggi til að skapa meiri dýpt í veggjunum. 

„Ég hef gert ótrúlegustu hluti,“ segir hann og hlær. 

Eitt af skemmtilegustu rýmunum í íbúðinni er barnaherbergið. Þórdís Björk þolir ekki kojur og því settu þau tvö eins rúm inn í herbergið og Júlí Heiðar lærði að veggfóðra á YouTube til þess að gera herbergið ennþá flottara. Útkoman er svo dásamlega falleg eins og allt á þessu notalega og bjarta heimili þar sem lífsgleðin býr. 

mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál