Við Mýrargötu í Reykjavík hefur fjölskylda búið sér til fallega umgjörð. Um er að ræða 120 fm húsnæði eða íbúð á tveimur hæðum sem er í húsi sem byggt var 2017.
Það er nett útlandastemning í alrýminu á neðri hæðinni þar sem eldhús, borðstofa og stofa mætast. Í eldhúsinu er grá innrétting sem er látlaus en gerir þó allt það gagn sem hún þarf að gera. Innréttingin er í svipuðum lit og veggirnir og svo rammar stórt borðstofuborð inn rýmið ásamt loftljósinu sem gefur góða lýsingu.
Í þessu rými er skemmtilegur myndaveggur, String-hillur úr Epal og brúnn IKEA sófi í aðalhlutverki ásamt veggljósinu frá Flos sem fæst í Casa.
Eins og sjá má á myndunum er íbúðin sérlega skemmtilega innréttuð.