Í landi Efsta-Dals í Bláskógabyggð er að finna dásamlega fallegan bústað, með stóran pall, heitan pott og einstaka, alltumlykjandi náttúru. Bústaðurinn er einstaklega smekklega innréttaður og hefur greinilega verið tekinn í gegn fyrir ekki svo löngu.
Þrjú svefnherbergi eru í bústaðnum og svefnloft er yfir hluta hússins. Húsið er málað í dökkum lit og veröndin og skjólveggirnir líka. Inni er panellinn málaður í ljósum lit. Í eldhúsinu er svört eldhúsinnrétting með viðarplötu. Á alrýminu sem og herbergjum er harðparket á gólfum en á baðherberginu er korkur.
Úr bústaðnum er stutt í Úthlíð, Gullfoss og Geysi og um 10 mínútna akstur er á Laugarvatn. Ásett verð eignarinnar er 34.900.000 krónur.