Það dreymir eflaust marga þessa dagana að búa í stóru húsi með sundlaug og öðru fíneríi. Innanhúshönnuðurinn Katty Schiebeck, sem fædd er í Belgíu en er búsett í Barcelona um þessar mundir, fékk einmitt það spennandi verkefni að hanna 800 fermetra höll í Katar sem ratað hefur í tímarit víða um veröldina.
Schiebeck er ung að aldri en hefur vakið athygli fyrir verkefnin sín. Enda virðist hún einstaklega klár í að hanna heimili víðsvegar um heiminn sem eru með evrópsku einföldu yfirbragði en einnig með sterka tilvísun í umhverfið í kringum sig. Samanber höllina í Katar sem minnir á eyðimörkina í Doha sem er einstaklega fallegur og hlýlegur staður.
Í höllinni ákvað hún að blanda ólíkum ljósum tónum saman. Hún hefur einföld húsgögn og tilkomumikil gólfefni. Litlir hlutir taka ekkert pláss og á hver hlutur sinn stað þó hönnun og glæsilegt yfirbragð sé það sem fólk virðist fyrst taka eftir.
Höllin er draumi líkust.