Áður en Katrín hertogaynja gekk að eiga Vilhjálm Bretaprins árið 2011 bjó hún með systur sinni í notalegri íbúð í Chelsea-hverfinu í London. Foreldrar þeirra, þau Micheal og Carole Middleton, keyptu íbúðina árið 2002 en hafa nú sett íbúðina á sölu.
Nú búa dætur Middleton-hjónanna í glæsilegri húsum og höllum og íbúðin komin á sölu. Íbúðin er í fínu hverfi og með þremur svefnherbergjum. Íbúðarverð í London er gífurlega hátt og þrátt fyrir að ekki um sé neina höll að ræða er ásett verð 1.950.000 pund eða rúmlega 300 milljónir.
Nú býr Katrín hertogaynja hins vegar í 20 herbergja íbúð í Kensington-höll en Pippa býr með manni sínum James Matthews í húsi í London sem metið er á 17 milljónir punda.