Í Kársnesinu í Kópavogi er að rísa splunkunýtt hverfi sem býr yfir miklum sjarma. Byggðin er við sjóinn sem þýðir fallegt útsýni og friðsæld og nálægð við stórbrotna náttúru. Við Hafnarbraut 9 stendur ákaflega falleg íbúð sem búið er að innrétta á smekklegan hátt.
Eldhúsið er opið inn í stofu og er með fallegri innréttingu sem býr yfir öllum nútímaþægindum. Hún er til dæmis með innbyggðum ísskáp og innbyggðir uppþvottavél. Í eldhúsinu er eyja sem skapar góða stemningu. Innréttingin kemur frá HTH og með fallegri ljósri steinborðplötu. Eldhúsið er mjög smart og býður upp á mikla möguleika. Úr eldhúsinu er útgengi út á svalir.
Baðherbergið er vel skipulagt og heillandi. Það er flísalagt í hólf og gólf og er gólfhiti á baðherberginu og fallegur handklæðaofn. Þar er líka upphengt salerni og innrétting frá HTH með góðu skápaplássi.
Eins og sést á myndunum er gott skipulag á íbúðinni, hún er björt og öll heildarmynd framúrskarandi.
HÉR er hægt að skoða íbúðina nánar.